“Көпшілігі "кім таяқ жемей жатыр" деген менің сөзіме наразы болып, "өзіңіз де әйеліңізді ұрасыз ба?" деп жатыр. Жоқ, құрметті достар. Ойланып қарасақ, мен дұрыс жеткізбеген шығармын. Алайда бұл сөз зорлық-зомбылықты қолдаймын деген сөз емес. Әпкем-қарындасым бар, әйелім, тәп-тәтті қызым бар. Мен бұл нәрсені ешкімге қаламаймын. Сондықтан ер-азамат ретінде хақыларыңызға өтіп кетсем, бұл сөз арқылы кешірім сұраймын. Қоғамда бәрі ұрыс-керістен ажырасып жатыр. Сондай мағынада бұл сөзді айтқан едім", – деді әнші.

Әйелдердің құқығын қорғауға білек сыбана кіріскен коуч-эксперт Роза Әшірбаева топ мүшелерінің әр жазбасында жасырын түрде зорлық-зомбылықты қолдайтын мағына бар деп топшылады.

"Топ мүшелерінің өздерін тексеру керек. Әйелдерін ұратын және оны қалыпты ерлі-зайыптылардың өмірі деп санайтын секілді. Біздің елдің ер азаматтары өздеріне ыңғайлы "жарқын жақта" өмір сүреді. Олар жаңалық оқымайды, ресми мемлекеттік ақпаратты менсінбейді. Олардың "жарқын әлемінде" ажырасудың себебі: қызғаныш, ашық киіну және еркектің ақша аз табуы екен... "Кім таяқ жемей жатыр" деп елдің алдында жүрген абыройлы әнші, "жарқын жақта" өмір сүретін ер азаматтар осы есепті түсіне ме екен?" – деп ашуланды коуч.

Айта кетейік, "Қолым мұрнына тиіп кетті" деп "Меломен" тобының әншісі Ғабит Бибасыұлы даулы видеоға қатысты пікір білдірген еді.

Талқылау