"Келін - робот емес": Балжан Бидаш жан айқайын жеткізді

Балжан Бидаш келіннің отбасындағы рөлі жайлы пікір білдірді. Ол келіннің робот емес екенін  мәлімдеді, деп хабарлайды Stan.kz ақпарат агенттігі. 

Осыдан екі жыл бұрын актер Жахан Отарғалиевпен отау құрған Балжан ара-тұра желіде енесін көрсетіп тұрады. Ол кісіге қызмет көрсету үшін әнші бірнеше мәрте үйін тастап, Батыс Қазақстанға жол тартты. Осы ретте желі қолданушыларының бірі Балжаннан келін болудың қаншалықты қиын екенін сұрады. 

"Келін дегенді сіз қалай түсінесіз? Менің түсінгенім бойынша: 
1. Күйеуінің ата-анасын, туыстарын сыйлайтын; 
2. Күйеуінің ұрпағын жалғастыратын, балаларын тәрбиелейтін ана. 
Келін – робот емес, үй қызметшісі емес. Ал күнделікті істейтін тамағы, үй жинау ол әрбір адамның күнделікті тіршілігі", – деп мәлімдеді Балжан.

• Шашы тақыр Айгүл Иманбаева оқырмандарын алаңдатып қойды

• "Қазіргі билік рұқсат етіпті": Мақпал Жүнісова қудалауда болғанын ашық айтты

Балжанның парақшасында жиі қозғалатын тақырыптардың бірі – бала. Жуырда туыстарының үйінде қонақта болған Балжан бала қарап шаршағанын айтса, мұны көрген кей оқырмандар әншінің жеке басына тіл тигізген.

"Балалы үйде базарда ұйықтағандай болады екенсің. Енді екі баладан кейінгі түрімді елестете аласыздар", – деді Бидаш.

"Осыдан кейін саған қалай бала берсін, кесір", "Олай өзіңіздің құрсақ көтеруіңізге блок қоймаңыз", – деп кеңес берді оқырмандар.