Қазақстандық 27 жастағы менеджер жігіт Канада тауларында қаза тапты
Ванкувер қаласында университетті тәмамдап, ірі халықаралық компанияда жоба-менеджері болып істейтін Метхат Абенов Канадада қайғылы жағдайда қаза тапты.
Бұл туралы CBCNews хабарлайды.
ҚР СІМ бұл ақпаратты растады. 27 жастағы Қазақстан азаматының денесін жергілікті құтқарушылар тапқан. Ірі халықаралық компанияда жоба-менеджері болып істеген жігіт, тау рудаларын өндіру және электр желілері жобалау бойынша технологиялар құрастырумен айналысқан.
Метхат Абеновтың денесі Уистлер қаласына жақын маңнан табылған. Ол Iceberg өзеніне саяхаттаған.
“Біздің отандасымыз Метхат Абеновтың 17 қыркүйек күні Ванкувер тауларынан құлап қаза тапқанын растаймыз. Канададағы Қазақстан консулы марқұмның туыстарымен байланыста. Абеновтың денесін отанына жеткізу шаралары ұйымдастырылуда. Оның туыстары мен жақындарына көңіл айтамыз”, – делінген сыртқы істер министрлігінің хабарламасында.
Оқи отырыңыз:
ШҚО-да фермер 2 жасар балаға арақ беріп, сосын оны жауыздықпен өлтірген
Алматы облысында Range Rover көлігі түйемен соғысып, 5 адам көз жұмды
Қостанай тұрғыны 5 жасар баланы жүргінші жолағында қағып өлтірді