Қазақстандық жас шабуылшы америкалық хоккей лигасында үздік сұрмергендер қатарында бірінші орында тұр
Қазақстандық шабуылшы Нар-Ұлан Байкен "Блэк Беар" ұлттық академиясының бомбардирлер жарысында бірінші орында тұр. Бұл туралы Stan.kz ақпарат агенттігі Shaiba.kz спорттық порталына сілтеме жасап хабарлайды.
Фото: instagram.com/n.baiken89
“Барыс” балалар мен жасөспірімдер хоккей мектебінің 16 жастағы тәрбиеленушісі АҚШ-тың 16U AAA лигасының тұрақты чемпионаты аясында 52 матч өткізіп, 72 (29+43) ұпай жинады. THF 16U лигасында форвард тұрақты чемпионаттың 10 кездесуіне қатысып, 12 (6+6) нәтижелі балл еншіледі. Плей-офф кезеңіндегі 4 ойында оның есебінде 3 (2+1) ұпай бар.
Айта кетейік, Нар-Ұлан Байкен – Ұлытау облысы Сәтпаев қаласының тумасы. Спортшы 5 жасынан бастап “Барыс” балалар-жасөспірімдер хоккей мектебінде тәлім алған.
Талқылау