Қазақстанда жеке детективтердің қызметіне заңды түрде рұқсат етілмек
Қазақстанда жеке детективтердің жұмысына ресми түрде рұқсат берілуі мүмкін. Мәжілісте елде жеке детективтік қызмет институтын құруды көздейтін заң жобасы қаралды. Бұл туралы Stan.kz ақпарат агенттігі хабарлайды.
Депутат Снежанна Имашева заң жобасының азаматтардың өз құқықтары мен мүдделерін қорғау мүмкіндігін кеңейтуге, сондай-ақ жеке детективтердің қызметі үшін нақты құқықтық негіз қалыптастыруға бағытталғанын атап өтті.
Заң жобасында бұл қызметтің негізгі қағидалары айқындалады:
- Кім детектив бола алады;
- Детективтік агенттіктер қалай жұмыс істейді;
- Лицензиялау мен мемлекеттік бақылау қалай жүзеге асырылады.
Қазір Қазақстанда жеке детективтердің қызметі заңмен ресми түрде реттелмеген.
Бұған дейін Ішкі істер министрлігінің өкілдері заңды негізсіз біреуді аңду немесе ол туралы ақпарат жинау жеке өмірге қол сұғу болып саналатынын және қылмыстық жауапкершілікке әкелуі мүмкін екенін түсіндірген еді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан