“Өз отбасымды мысал етіп айтып берейін. Менің үш балам бар. Үлкен ұлым 1994 жылы дүниеге келген. Қазір жасы 30-ға толды. Ол бұл бағдарламаға қатыспайды. Яғни, келесі жылы ол тіпті өтініш те бермейді. 2000 жылы туған қызым бар. Ол да қатыспайды. Кенже ұлым 2007 жылы дүниеге келген. Оның атына Бірыңғай жинақтаушы зейнетақы қорында шот ашылады. Бірақ 2023 жылы ол небәрі 17 жаста болады. Яғни бұл әзірше оған қол жетімді болмайды”, – деді Ибрагимова.

Ибрагимова ұлын мысалға келтіре отырып, 2007 жылы туған бала 2024 жылы кез келген екінші деңгейлі банкті, "Отбасы банкін" немесе өзіне ыңғайлы болып көрінетін басқа қызметті таңдап, электронды цифрлық қолтаңба арқылы өтініш беретінін түсіндірді.

“2023 жылы туылған немерем бар. 2041 жылы 19 қаңтарда, дәл 18 жасқа толған күні ол БЖЗҚ-дағы жеке шотында жинақталатын жинақ ақшасын алады. Яғни, ең көп соманы 2023 жылы туылған балалар алады”, – деді ол.

Ұлттық қордан балаларға: Алғашқы қаражат қашан түсетіні белгілі болды

"Ұлттық қор – балаларға": Қазақстандықтар бағдарлама үшін банкті өздері таңдай алады

Ұлттық қордан балаларға: Ақшаны қайда жұмсауға болады?

Ибрагимованың айтуынша, Қазақстанда ата-анасы ЖСН арқылы депозит ашқан 200 мыңға жуық бала бар.

“Оларды басқа банктерге есептен шығару немесе талап қою мүмкін емес. Осы мақсаттар үшін ғана арнайы ағымдағы шот ашылады. Содан кейін ақша осы есепшотқа түседі, содан кейін 18 жасқа толған азамат таңдай алады: ол оны өмір сүру жағдайын жақсартуға жұмсайды, немесе депозитті толтырады, я болмаса қазіргі уақытта білім - жылжымайтын мүлікке қарағанда маңызды актив екенін түсініп, соған жұмсайды”, – деп қосты ол.

Ибрагимова балаларға білімге инвестиция салуды ұсынды.

“Бізде мемлекеттік білім беру жүйесі болады. Біз "Келешек" жобасы бойынша жұмыс істеп жатырмыз, оның аясында көптеген мүмкіндіктер болады, соның ішінде оқу ақысын төлеу, болашақта табыс табуға мүмкіндік береді.Мемлекеттік органдар тек ел ішінде ғана емес, шетелде де оқу ақысын қолдады. Сондықтан адамның таңдауына мүмкіндік бар”, – деді Ләззат Ибрагимова.

Естеріңізге сала кетейік, 18 қазанда Парламент қазақстандық балаларға Ұлттық қордан қаражат бөлу туралы заң қабылдаған болатын. Заң мемлекет басшысына қол қоюға жіберілген.

Талқылау