Индустрия министрлігі "Қазақстан Республикасының кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы"заң жобасын әзірледі. Ол "Ашық НҚА" порталында жарияланды.

Егер пәтерлер мен тұрғын емес үй-жайлардың меншік иелері кондоминиум объектісінің ортақ мүлкін немесе оның жекелеген бөліктерін күрделі жөндеуге жарналар төлемесе, уақтылы немесе толық төлемесе, алдымен ескерту жасау ұсынылады.

Егер жағдай әкімшілік жаза қолданылғаннан кейін бір жыл ішінде қайталанса, айыппұл салу ұсынылады. Мөлшері нақты көрсетілмеген.

Шараны "ондоминиум объектісінің ортақ мүлкін күрделі жөндеуге ай сайынғы төлемдерді уақтылы және толық жинауды қамтамасыз ету, сондай-ақ пәтерлер мен тұрғын емес үй-жайлар меншік иелерінің өзін-өзі тәрбиелеуін арттыру мақсатында" ұсынды.

"Бұл ретте ескерту шығарылғаннан кейін бір жыл ішінде ай сайынғы жарналарды төлеу бойынша қайталап бұзушылық үшін айыппұлдың ең аз мөлшерін белгілеуге болады", - деп жазылған заң жобасының салыстырма кестесінде.

Сондай-ақ құрылыс салушылардың құрылысқа үлестік қатысу шарттары бойынша ақшаны мақсатсыз пайдаланғаны үшін қылмыстық жауапкершілік бекіту ұсынылады:

құрылыс жобалары бойынша бірыңғай тұрғын үй құрылысы операторы кепілдік берген кезде;
уәкілетті компания жіберген бұзушылықтың мөлшері бірыңғай операторға (және соның салдарынан мемлекетке) ірі залал келтіруі мүмкін.

Қазір пәтердің, тұрғын емес үй-жайдың меншік иелері кондоминиум объектісінің ортақ мүлкіне күрделі жөндеу жүргізуге ақша жинақтау үшін ай сайын жинақ шотына кемінде 0,005 еселенген айлық есептік көрсеткіш мөлшерінде (пәтердің, тұрғын емес үй-жайдың шаршы метріне есептегенде 14,6 теңге) ақша аударуы тиіс.

Заң жобасы 2021 жылдың 5 наурызына дейін көпшілік талқылауында болады.

Талқылау