«17 ақпанда ҚР Бас санитарлық дәрігерінің қаулысы шықты. Қаулы бүгін түнгі сағат 00:00-де күшіне енеді. Бұл коронавирусқа қарсы профилактикалық шараларды күшейтуге бағытталған», - деді ол.

Жалғасы қалай болды?

Қазақстанда шетелден келгендерге жаңа заң шығарып, ертесі күні одан бас тартты

Заң бойынша азаматтар мен үш топқа бөліп қарастырылады екен.

«6 ақпаннан бастап Қытай жерінде болған азаматтар міндетті түрде 14 күн стационарға карантинге жатқызылады. Қосымша тағы 10 күн дәрігер қадағалауында болады. Екінші топ - коронавирусты оннан астам адам жұқтырған қалалардан, елдерден келген азаматтар. Олар 14 күн үй карантиніне жатқызылады және тағы 10 күн жергілікті мекенжайы бойынша дәрігер қадағалауында болады», - деді Ахметшәріп.

Үшінші топтағы азаматтар тұрғылықты жері бойынша 24 күн дәрігер бақылауында болады. деді денсаулық сақтау министрлігінің өкілі.

«Бұл тәртіпті бұзғандар ҚР Әкімшілік құқық бұзу кодексінің 462-бабына сай жауапкершілікке тартылады, айыппұл салынады. Карантиндегі адамдарды жергілікті учаскелік дәрігерлер мен полиция өкілдері күн сайын қадағалап отырады. Үй карантинінде отырған азаматтар ең алдымен жақындары мен достарын ойлауы тиіс және карантин талаптарын қатаң сақтауы керек. Әзірге індет өршіп тұрған елдерге шықпауларыңызды, сапарларыңызды кейінге шегеруді сұраймыз», - деді Диас Ахметшәріп.

Бірінші топқа Қытайдан келген азаматтар жатқызылса, екінші топқа Сингапур, Жапония, Таиланд, Оңтүстік Корея, Малайзия, Вьетнам, Австраляи, Германия, АҚШ және Франция келген шетел азаматтары кіреді екен. Үшінші топтағылар елдерінде оннан аз коронавирус жұқтырған мемлекеттер екен. Олардың қатарына Ұлыбритания, БАӘ, Канада, Үндістан, Филиппин, Италия, Испания, Финляндия, Непал, Камбоджа, Шри-Ланка, Швеция, Бельгия және Мысыр кіретіндігі айтылды.

Атап өтерлік жайт, қытайлық індеттен көз жұмғандардың саны екі мыңға жетіпті. Ал короноавирусты әлем бойынша 74 мыңнан астам адам жұқтырған.

Талқылау