Қазақстанда коронавирус пен пневмониядан тағы 8 адам көз жұмды

Өткен тәулікте коронавирустық инфекция белгілері бар пневмонияның 139 жағдайы және 1 өлім жағдайы тіркелді, деп хабарлайды Stan.kz ақпарат агенттігі.

Оған қоса, пневмониямен ауырған 2 адам емделіп шықты.

1 тамыздан барлығы: ауырғандар - 27 762, 314 өлім жағдайы тіркелді, ал жазылып шыққандардың саны 5 959 жетті.

Ал коронавирустан бір тәулікте 7 адамның көз жұмғаны анықталды. 

Қазіргі уақытта коронавирустық инфекциядан 5 073 адам ем қабылдауды жалғастыруда. Олардың арасында 30 жасөспірім бала бар. Стационарларда 2 863  науқас жатыр. 2 210 адам амбулаториялық жағдайда емделуде.  

Жалпы науқастардың арасында 140 адамның жағдайы нашар. Соның ішінде,18 науқастың жағдайы аса қатты ауыр деп бағалануда. 24 науқас өкпені жасанды желдету аппаратында жатыр.