Құжаттың толық атауы - Қазақстан Республикасының Үкіметі мен Ресей Федерациясының Үкіметі арасындағы 7-ші дүниежүзілік нөмірлеу белдеуінің нөмірленуін бірлесіп пайдалану туралы келісімге қол қою туралы Үкімет қаулысы. Бұл Қазақстан +7 теру кодын пайдалана беретінін білдіреді.

Қаулы порталда 14 маусым, жұма күні пайда болды, талқылау 28 маусымға дейін жалғасады.

2021 жылы Қазақстанға жеке код алу мақсатында халықаралық телефон коды +997 резервке қойылған болатын. Алайда байланыс операторларымен жаңа кодқа көшу мәселесін талқылау барысында, жаңа кодқа көшу мүмкін екені, бірақ бірқатар қаржылық және технологиялық проблемалар туындайтыны анықталды.

Қазақстанда Қытайдан интернет арқылы сатып алынған тауарларды жеткізуге арналған пойыз іске қосылады

“Отандық байланыс операторларының барлық абоненттері мемлекеттік және банктік қызметтерді, әлеуметтік желілер мен түрлі қосымшаларды алу үшін өз деректерін жаңартуы қажет болады. Осыған байланысты көшу кезеңінде ақаулар мен жағымсыз тәжірибенің ықтималдығы жоғары. Осыған байланысты, азаматтардың ыңғайлылығы үшін Қазақстан Республикасының Цифрлық даму, инновациялар және аэроғарыш өнеркәсібі министрлігі Халықаралық электр байланысы одағымен қайта келіссөздер жүргізіп, +7 халықаралық кодын өзгеріссіз қалдыру туралы шешім қабылданды”, – делінген хабарламада.

Ресей Федерациясы Үкіметі мен Қазақстан Республикасы Үкіметі арасында дүниежүзілік нөмірлеудің 7-ші аймағын пайдалану туралы жаңа Келісімге қол қою мәселесі Ресей Федерациясының Цифрлық даму, байланыс және бұқаралық коммуникациялар министрлігімен қаралды.

Қазіргі уақытта жобаны мақұлдау туралы Ресей Федерациясының Нотасын алу күтілуде.

Талқылау