Қазақстан құрамасы Дүниежүзілік ойындарда тарихи жетістікке жетті
Фото: olympics.com
Қытайда өткен XII Дүниежүзілік ойындарда Қазақстан спортшылары ел тарихында алғаш рет он медаль жеңіп алды. Бұл туралы Stan.kz ақпарат агенттігі хабарлайды.
Жарыс барысында екі алтын, төрт күміс және төрт қола жүлде иеленген қазақстандықтар өздерінің бұрынғы рекордын бірнеше есеге жаңартты. Бұған дейін ұлттық құраманың ең жоғары көрсеткіші төрт медаль болатын.
Дүбірлі додада алтын медальді джиу-джитсудан Жанибек Әбубәкір мен самбодан Ұлбосын Әділова жеңіп алды. Күміс жүлдеге WKF каратэде Мөлдір Жаңбырбай, джиу-джитсудан Нұрсұлтан Дүйсенқұлов, самбодан Маратбек Рахметоллин және ерлер құрамасы қол жеткізді.
Қола медальдар джиу-джитсуда Аслан Қанатбек пен Сейілхан Болатбекке, ал спорттық өрмелеуде Ришат Хайбуллинге бұйырды.
Айта кетейік, бұл нәтиже Қазақстан үшін Дүниежүзілік ойындардағы ең ірі жетістік болып саналады.
Талқылау
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
Отандасымыз жат жерде жүрсе де қазақ елінің дәстүрі мен құндылықтарын күнделікті өмірде сақтауға тырысып жүргенін жеткізді
“Сыйлықтар сыйлап, кемінде бір пәтер алғызатын адам”: Неліктен қазақстандық бойжеткендер тоқал болуға келіседі
Психолог: "Оны көбіне "махаббат" деп түсіндіріп ақталып жатады”