Серікқали Брекешев KAZENERGY қауымдастығының төрағасы болып тағайындалды
KAZENERGY қауымдастығына жаңа төраға сайланды. Бұл қызметке бұған дейін мемлекеттік қызметте және мұнай-газ саласында еңбек еткен Серікқали Брекешев келді. Бұл туралы Stan.kz ақпарат агенттігі хабарлайды.
KAZENERGY қауымдастығының мәліметінше жиынға қатысушылар Брекешевтің жетекшілігімен қауымдастық салалық мүдделерді біріктіру, мемлекет пен бизнес арасындағы диалогты дамыту және Қазақстанның энергетика кешенінің әлеуетін нығайту бағытындағы жұмысын жалғастыратынына сенім білдірді.
Бұған дейін KAZENERGY қауымдастығын 2025 жылдың ақпан айынан бері Болат Ақшолақов басқарды. Жиында оның басшылығы кезінде қауымдастық мемлекет пен бизнес арасындағы диалогтың жетекші салалық алаңы ретіндегі мәртебесін нығайтқаны айтылды. Сонымен қатар, Қазақстанның халықаралық деңгейдегі ұстанымын күшейткені және салықтық, реттеуші реформалар мен жер қойнауын пайдалану саласындағы заңнаманы жетілдіру аясында мұнай-газ және энергетика кешенінің мүдделерін жүйелі түрде қорғауды жалғастырғаны атап өтілді.
ОқыңызЕлдің жетекші энергетикалық компанияларының басшылары Болат Ақшолақовқа бірлескен жұмысы мен KAZENERGY қауымдастығының дамуына қосқан үлесі үшін алғыс айтты. Олар оның кәсіби тәжірибесі мен саланы терең білуі Қазақстанның негізгі мұнай өндіруші өңірі – Атырау облысының әкімі қызметінде де мұнай-газ саласының дамуына елеулі үлес қосатынына сенім білдірді.
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
