Қазақстан Қырғызстан азаматтарының елде болу мерзімін үш есеге ұзартты
Қазақстан Қырғызстан азаматтарының елде болу мерзімін 90 күнге дейін 3 есеге ұзартуды жоспарлап отыр. Бұрын олар елде тек 30 күнге дейін болуға рұқсат алған. Бұл туралы Stan.kz ақпарат агенттігі хабарлайды.
Мәлімдеме ашық НҚА порталында жарияланған. Қаулы жобасы күшіне енгеннен кейін қырғызстандықтар Қазақстан шекарасын кесіп өткеннен кейін 90 күнге дейін елде бола алады. Ал қазіргі таңда бұл мерзім 30 күнмен шектеледі.
180 күндік кезең ішінде Қазақстанда болған күндерінің жалпы саны 90 күннен аспауы тиіс.
Қаулы жобасының түсіндірме жазбасында бұл өзгеріс Қазақстан мен Қырғызстан арасындағы қарым-қатынасты нығайту үшін енгізілетіні жазылған.
Ол 2024 жылдың 1 қыркүйегіне дейін ғана қолданыста болмақ.
"Тапсырыс жоқ, қарыз көбейді": Қазақстандық кәсіпкердің жаңа салық реформасының кесірінен бизнесі шығынға батқан
Эмин Аскеров: "Қызметкерлердің тағы 10%-ын толық емес жұмыс күніне ауыстырдық"
Қазақстанда тұрақты тұруға өтініш берген шетелдіктер қазақ тілінен тест тапсырады: Оларға қандай сұрақтар қойылады?
Тест онлайн форматта ҚАЗТЕСТ жүйесі арқылы өткізіледі