Қазақпыз ғой: Ерке Есмахан “Жекпе-жекте” жеңіске жету үшін Мейрамбек Бесбаевқа жағымпазданып жүр (видео)
Мейрамбек Бесбаевтың биін күнде көре бермейсің! Ерке Есмахан танымал әнші, “Жұлдызды жекпе-жек” жобасының модераторы Мейрамбек Бесбаевтың өз әніне билегенін айтып мақтанды. Ол жобада жеңімпаз атану үшін, қазірден Бесбаевқа жағымпазданып жүргенін айтып, елді күлдірді, деп хабарлайды Stan.kz ақпараттық агенттігі.
Коллаж Stan.kz
“Жұлдызды жекпе-жектегі” есте қалар сәттердің бірі. Бәрін айт та, бірін айт, Мейрамбек ағамыздың биін-ай! Салмақты бейнесімен тек домбырасын, сосын қастарын ғана билететін Мейрамбек ағаның мұндай биін күнде көре бермейміз. Аға, аман болыңыз, жұлдызы биікте жанған қайталанбас тұлғасыз, біз Сізбен мақтанамыз! Мен Сізді Айлавью! – деп осы кезден жағымпаздана берейінші, бәлкім, жобаның жеңімпазы болармын?! Сосын шетелде рахаттанып жатпаймын ба… Қазақпыз ғой”, – деп қалжыңдады Ерке Есмахан.
Айта кетейік, Ерке жобаның алғашқы кезеңінде Зарина Омаровамен сайысқа түсіп, қазылар алқасының шешімімен жеңіске жеткен болатын. Келесі кезеңде Еркенің кіммен өнер көрсететіні әзірге белгісіз.
Тағы оқыңыз:
Әбдіжаппар Әлқожа өзін “өзбекстандық” деп атаған жандарға: Оған мен емес, жоғары билік кінәлі
Нашар оқыды: Тәуекел Мүсілім сыныптасы Қайрат Нұртастың бала күнгі сырын ашты
Үздік есім: Жұлдыздар Бүркіт пен Аишаның қызына есім таңдауда өзара сайысқа түсті