Қайын атасы Баянның кітабын оқып, жоғары бағалады
Баян Есентаеваның қайын атасы Тұрым Алагөзов оның кітабын оқып шығып, жоғары бағасын берді.
Бұл туралы Stan.kz хабарлайды.
Тұрсынғали Алагөзовтің әкесі Тұрым Алагөзов Баянның кітабына алғашқылардың бірі болып пікір жазды. Ол болашақ келінінің тырнақалды туындысына жоғары баға беріп, таңданысын жасырмады.
“Баян маған кітабын оқуға берді. Мен оны тоқтамастан бір оқып шықтым, артынша әр сөзін ойланып, асықпай тағы бір қайталап оқыдым. Таңғалдырарлық кітап, нағыз адамның өз-өзімен жүргізетін монологы. Ешқандай мақтанышсыз, қарапайым жазылған. Алғашқы жолдардан-ақ сені баурап әкетеді. Сәби күнінде жапон әдісімен тәрбиеленіп, оқушы кезінде қатаң бақылауда болған ол бүгінгі ел танитын тұлғаға айналды.
Ол оқуда, қызметте, өмірде бірінші болу керек деген ұстанымын жақсы түсінді. Тұлға ретінде қалыптасу жолындағы адам айтса нанғысыз қиыншылықтар. Ол оның бәрін мойымастан және ар-намысын жоғалтпастан өткерді. Кітаптың ерекшелігі де сол – ол ешкімді қараламайды, ешкімге ренжімейді және барлығын қалыпты күйде қабылдайды”, – дейді Тұрым Алагөзов.