Мафия жетекшісі 16 жыл бойы басқа елде мейрамханада аспазшы болып жұмыс істеп келген
Италиялық мафия жетекшісі Эдгаро Греко 16 жыл бойы Францияда аспаз болып жұмыс істеген деп хабарлайды Stan.kz ақпарат агенттігі ВВС порталына сілтеме жасап.
"Ндрангета" тобының мүшесі Эдгаро Греко 1991 жылы екі ағайындыны өлтіріп, тағы бір адамның өміріне қастандық жасағаны үшін айып тағылған. Ол 2006 жылдан бері іздеуде болған.
2014 жылдан бері жасырынып жүрген 63 жастағы қылмыскер Францияның Сент-Этьен қаласында ұсталды. Қамауға алынғанға дейінгі соңғы жылдары ол Пауло Димитрио есімімен пиццерияда аспаз болып жұмыс істеген.
Бір қызығы мафия өзінің бүркеншік атының қауіпсіздігіне сенімді болғаны сонша 2021 жылдың шілдесіне қарай ол жергілікті газеттегі мақалалардың біріне шыққан. Онда ол өзінің Caffe Rossini Ristorante мейрамханасының "аймақтық және үй рецепттерін" таныстырған. Фотосуретте ол қара көзілдірік пен ақ сақалда болған. Ал мақалада тумысынан итальяндық деп таныстырылған.
Талқылау