Әскерилерді КАМАЗ-бен қағып өткен: Қызылордада сарбаз өліміне кінәлі деп айыпталған ер адам ұсталды
Қаңтар айындағы оқиғалар кезінде Қызылордадағы қауіпсіздік қызметкерлеріне қарсы КАМАЗ айдаған ер адам ұсталды. Бұл туралы ІІМ-ге сілтеме беріп Stan.kz ақпарат агенттігі хабарлайды.
"Қызылорда қаласының тұрғыны ұсталды, ол 5 қаңтарда арнайы әскери автокөлік КАМАЗ-ды қоғамдық тәртіпті қамтамасыз еткен қызметкерлерге бағыттаған. Көліктің соқтығысуы салдарынан Ұлттық гвардияның қызметкері19 жастағы әскери сарбаз оқиға орнында көз жұмды.
Ата-анасы жалғыз ұлын жоғалтты, көзі тірісінде ол бағдарламалаумен айналысып, философияға қызыққан. Қарағанды техникалық университетінде оқыған. Өмірге үлкен жоспарлар құрып, IT маман болуды армандаған", – деп хабарлады ОКҚ брифингінде ІІМ Тергеу департаментінің басшысы Санжар Әділов.
Сол күні тағы бір шабуылдаушы әскери КАМАЗ-ды басқарып айдап кеткен.
"ЖБО жұмысын тұрақсыздандыру мақсатында ол электр беру тірегіне қасақана зақым келтіріп, бейнебақылау камераларын істен шығарған. Содан кейін жергілікті полиция қызметінің ғимаратын басып алу мақсатында қоршауға кірген", – деді ол.
Әділов екі жағдайда да күдіктілер соттың санкциясымен қамауға алынғанын және олардың кінәсі бейнежазбалармен дәлелденгенін айтты.