Ішкі істер министрлігі Ақтаудағы жерлеу рәсіміне байланысты қызметтік тергеу жүргізеді

Қазақстанның ішкі істер министрлігі Ақтаудағы көп адам қатысқан жерлеу рәсіміне байланысты қызметтік тергеу жүргізеді, деп хабарлайды Stan.kz ақпарат агенттігі.  

ерлан

ІІМ баспасөз қызметі қатаң шектеулерге қарамастан, Маңғыстау облысы полиция департаментінің басшылығы карантин режимін бұзуға жол бермеу бойынша уақтылы шаралар қолданбағанын хабарлады.

"Ақтау қаласында жерлеу рәсіміне байланысты адамдардың жаппай жиналу фактісі бойынша Ішкі істер министрі Ерлан Тұрғымбаев қызметтік тергеу жүргізуді тапсырды", - деп хабарлады ведомствода.

Маңғыстау облысында 3-17 тамыз аралығында өңірдің бас мемлекеттік санитарлық дәрігерінің қаулысы негізінде қатаң шектеу шаралары, соның ішінде адамдар көп жиналатын іс-шараларды өткізуге тыйым салу енгізілген еді.

Бұған дейін Ақтаулық белсенділер облыстың бас полицейі мен санитарлық дәрігерінің қызметінен кетуін талап етіп отырғаны хабарланған. Оған облыстың бұрынғы полиция бастығының анасын жерлеу рәсіміне келушілердің көп болғаны себеп.

Жерлеу рәсіміне карантиннің күшейтілгеніне қарамастан, жүздеген қала тұрғындары жиналды. Тәртіп сақшылары бұған көз жұма қарады, тіпті жолды жауып тастады. Бұл тұрғындардың наразылығын тудырды. Әлеуметтік желілерде адамдар бір-біріне видео жіберіп жатыр.

Қоштасу рәсімі ағайынды Аблазимовтардың анасының құрметіне өтті. Олардың бірі - Батыс Қазақстан облысы полиция департаментінің бастығы, ІІМ генерал-майоры. Екіншісі - Forbes нұсқасы бойынша елдегі ең ықпалды 50 кәсіпкердің тізімінде.

Талқылау
Пікір
Қазір оқып жатыр
Çàãðóçêà...
Қазір оқып жатыр