«Интер Майами» жұлдызы Лионель Месси рекорд жаңартты
Фото: Reuters
"Интер Майами" клубының аргентиналық шабуылшысы Лионель Месси жаңа рекорд орнатып, карьерасында 875 гол соққан алғашқы футболшы атанды. Бұл туралы Stan.kz ақпарат агенттігі хабарлайды.
Рекордтық голын аргентиналық жұлдыз MLS чемпионатының тұрақты маусымындағы "Лос-Анджелес Гэлакси" клубына қарсы ойында соқты. Месси бұл нәтижеге тарихта ең жылдам – 1116 матчта қол жеткізді. Сондай-ақ ол мұндай межеге жеткен ең жас ойыншы болды.
Бұған дейін НХЛ-дың "Вашингтон Кэпиталс" клубының капитаны Александр Овечкин Мессиді "футбол құдайы" деп атап, оның доппен жұмыс істеу шеберлігін керемет деп бағалаған еді.
Айта кетейік, "Барселона" сапында Месси он мәрте Испания чемпионы атанып, жеті рет ел Кубогын және төрт рет Чемпиондар лигасын жеңіп алды. Ол каталондық клуб құрамында барлық жарыстарда 778 матч өткізіп, 672 гол соқты. Бұдан бөлек, Месси сегіз мәрте "Алтын доп" иегері атанған.
Талқылау
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
Отандасымыз жат жерде жүрсе де қазақ елінің дәстүрі мен құндылықтарын күнделікті өмірде сақтауға тырысып жүргенін жеткізді
“Сыйлықтар сыйлап, кемінде бір пәтер алғызатын адам”: Неліктен қазақстандық бойжеткендер тоқал болуға келіседі
Психолог: "Оны көбіне "махаббат" деп түсіндіріп ақталып жатады”