Халық қаласа, Назарбаевтың атын көше мен ғимараттан алып тастай алады – Әділет министрі
Әділет министрі Қанат Мусин Назарбаевтың атын көше мен ғимараттан алып тастау халықтың еркінде екенін айтты, деп хабарлайды Stan.kz ақпарат агенттігі.
Бүгін орталық коммуникациялар қызметінде өткен брифингте журналистер тұңғыш президент Нұрсұлтан Назарбаев атындағы көшелер мен ғимараттардың атауын ауыстыру туралы сұрады.
Министрдің айтуынша, бәрін халықтың өзі шешеді.
"Барлығы қазақстандықтардың өзіне, сол қалада тұратын адамдардың еркіне байланысты. Себебі көшелердің атауына қатысты шешімді жергілікті билік органдары қабылдайды", - деді Мусин.
Оның айтуынша, қазіргі тәртіпке сәйкес, қаладағы көше немесе ғимарат атауын ауыстыру үшін алдымен қоғамдық тыңдаулар ұйымдастырылады. Сол жерде халықтың пікірі ескеріледі. Одан кейін мәслихат пен ономастикалық комиссияның қарауына шығарылады.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"