Головкин мен Сондерс жекпе-жегінің қашан өтетіні белгілі болды
Астана қалалық дене шынықтыру және спорт басқармасының басшысы Берік Маржықпаев Астанадағы Головкин-Сондерс жекпе-жегі шілде айында өтетінін мәлімдеді, деп xабарлайды ҚазАқпарат тілшісі.
“Кездесу шілденің 17-сі күні болатын болды. Головкиннің өзі қол қойыпты. Британдықпен жекпе-жек өзіміздің “Астана-Аренада” өтеді. Соған қаражат жинап, дайындала беріңіздер. Мен өзім ойлаймын, бағалары қымбат болады. Дегенмен, бір-екі жұма күту керек. Олар бізге қарамайды ғой. Қазір кәсіби бокс бизнес болып кетті ғой. Мен өзім ойлаймын, 10-15 мың, солай болуы тиіс. Бірақ менің білетінім, олар “Астана-Аренаға” тапсырыс беріп жатыр. Соны көріп, 30 мың көрерменнің алдында үлкен бокс кешін өткізбекші”, – деді Маржықпаев елордада өткен бүгінгі баспасөз мәслиxатында.
Британдық Билли Джо Сондерсте (24-0, 12 КО) Головкинге қажетті соңғы WBO белбеуі бар. Оны жеңсе, абсолютті чемпион атанады.
Жіберіп алмаңыз:
Қанат Ислам ринг төрінде кішкентай балақайдың тұсауын кесті (фото)