"Фермерлер 200 сүтті сиыр мен 900-ге жуық қой сатып алған": Тамара Дүйсенова тауарлы-сүт фермасын кеңейту керек екенін айтты
Үкімет басшысының орынбасары Тамара Дүйсенова Батыс Қазақстан облысына жұмыс сапарында Қаратөбе ауданында "Ауыл аманаты" бағдарламасын іске асыру шеңберінде ауыл шаруашылығы кооперациясының табысты тәжірибесімен танысты.
Қаратөбе ауданы Қоскөл ауылындағы 227 ауланың барлығы "Жеңіс Ерхан" кооперативіне бірігіп, өз өндірісін дамытып отыр.
Мемлекеттік қолдау шаралары фермерлерге 200 сүтті сиыр мен 900-ге жуық қой сатып алуға мүмкіндік берді. Биыл кооператив техниканы лизинг арқылы жаңартқан.
Қазір фермерлер ауыл шаруашылығы өнімдерін өңдеуді бірлесіп дамытуда. Қоскөл ауылында өндірілген сүт және ет өнімдері жергілікті нарықта үлкен сұранысқа ие.
Тамара Дүйсеноваға тауарлы-сүт фермасын одан ары қарай кеңейту үшін құрылыс жұмысы басталғанын хабарлады.
Вице-премьер ауыл шаруашылығы кооперациясының тиімді тәжірибесіне оң баға беріп, Батыс Қазақстан облысына "Ауыл аманаты" бағдарламасы аясында республикалық бюджеттен қосымша 1 миллиард теңге бөлінгенін жеткізді.
Бұл қаражатты мал басын көбейту үшін ғана емес, басқа бағыттарды дамыту үшін де пайдалану қажет екені атап өтілді.