Алматыда өзін блогермін деп таныстарған азамат полицейлерден ақша бопсалаған
Алматыда ер адам өзін блогер ретінде таныстырып, полицейлерден ақша бопсалады, деп хабарлайды Stan.kz ақпарат агенттігі.
""1987 жылы туған ер адам өзін патрульдік қызметкерге блогер ретінде таныстырады. Кейіннен арандатушылық жасамауға және желіде видео жарияламауға уәде беріп, ақшаны бопсалаумен айналысқан. Cома 50 мыңнан 200 мың теңгеге дейін өзгерген", – дейді қалалық полиция департаменті бастығының орынбасары Рустам Әбдірахманов.
Оның айтуынша, жағдайды жүргізілген жедел және арнайы іс-шаралар растаған.
Күдікті қаланың Әуезов ауданында, талап еткен 300 АҚШ долларын алған кезде ұсталды.
Заттай дәлелдемелер алынып, қылмыстық кодекстің “бопсалау” бабы бойынша қылмыстық іс қозғалды. Осы бап бойынша көзделген ең жоғарғы жаза – 7 жылға дейін бас бостандығынан айыру.
Күдікті Алматы полиция департаментінің уақытша ұстау изоляторына қамалды.
"Кәнсіл": Қазақстандықтар 2025-тің жыл сөзін таңдады
Stan.kz жүргізген сауалнамаға жазылған пікірде 2025 жылы болған атышулы оқиғалар мен танылған есімдер де бар
"2050 жылы 73-ақ мың теңге": Қазақстанда болашақта зейнетақы неліктен орташа көрсеткіштен екі есе төмен болмақ
Барлық жауапкершілік қызметкердің өзіне жүктелген дейді қаржы сарапшысы