Елімізде жыл басынан бері 15 шетел азаматы еңбек құлдығының құрбаны болған
ҚР Еңбек және халықты әлеуметтік қорғау министрлігі Әлеуметтік қызметтер департаменті директорының орынбасары Гауһар Қалмақова елімізде бірінші жартыжылдықта еңбек құлдығының құрбаны болған 15 шетелдікке арнаулы әлеуметтік қызмет көрсетілгенін мәлімдеді. Бұл туралы Stan.kz ақпарат агенттігі хабарлайды.
Қалмақованың айтуынша шетелдіктерге мұндай көмек былтырдан бері көрсетіліп келе жатыр. Сондай-ақ Қазақстанда барлығы 123 адамға қызмет көрсететін 14 дағдарыс орталығы жұмыс істейтінін қоса кетті.
"Адам саудасының құрбандарына мемлекеттік бюджет есебінен көмек көрсетіледі. Жәбірленушілерге 8 қызмет түрі көрсетіледі: Олар әлеуметтік, медициналық, психологиялық, педагогикалық, еңбек, мәдени-экономикалық және заңгерлік қызмет. Бұл нормалар Қазақстан азаматтарына, шетелдіктер мен азаматтығы жоқ адамдарға қатысты", – деді ҚР ІІМ ұйымдасқан қылмысқа қарсы күрес департаментінің адам саудасына қарсы күрес басқармасының бастығы Самат Күсетов.
Талқылау
Үй алудың жаңа мүмкіндіктері: Алдағы уақытта қандай тұрғын үй бағдарламалары іске қосылады
Айта кетейік, қараша айында "Наурыз" және "Наурыз Жұмыскер" бағдарламалары бойынша өтініш қабылдау қайта басталады
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен