Елімізде жайын мен көксерке балығын экспорттауға тыйым салынады
Экология және табиғи ресурстар министрлігінің балық шаруашылығы комитеті "Қазақстан Республикасының аумағынан өңделмеген балықтың жекелеген түрлерін әкетуге тыйым салу туралы" бұйрық дайындады деп хабарлайды Stan.kz ақпарат агенттігі.
6 ай мерзімге мұздалған, жаңа мұздатылған немесе салқындатылған балықтың жекелеген түрлерін әкетуге тыйым салынады. Бұл – көксерке және жайын.
ҚР Экология және табиғи ресурстар министрлігінде түсіндірілгендей, тыйым мемлекет басшысының 2022 жылғы 8 қарашада Атырау облысына жұмыс сапары барысында өңделмеген балық экспортына шектеулер енгізу туралы тапсырмасын орындау шеңберінде енгізіледі.
Балық өнімі экспортының жалпы көлемінің (жылына 22,5 мың тонна) 55%-ы өңделмеген балық. Яғни 12,3 мың тонна өңделмеген балық тасымалданған.
Бастапқы кезеңде республиканың аумағынан жайын мен көксеркені экспорттауға 6 ай мерзімге шектеу қойылмақ.
Құжат 14 наурызға дейін қоғамдық талқылау үшін Ашық НҚА сайтында орналастырылған.
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды