Елена Рыбакина Ролан Гаррос турнирін сәтті бастады
Әлемнің төртінші, Қазақстанның бірінші ракеткасы Елена Рыбакина Францияда өтіп жатқан Ролан Гаррос турнирін жеңіспен бастады. Бұл туралы Stan.kz ақпарат агенттігі хабарлайды.
Фото: Championat.com
WTA чемпиондық кестесінде екінші орында тұрған Елена Рыбакина Парижде өтіп жатқан Ролан Гаррос турнирінің алғашқы айналымынан сүрінбей өтті. Қазақстанның бірінші ракеткасы әлемдік рейтингіде 86-орында тұрған белгиялық Гретье Минненге қарсы ойнап, екі сетте 6:2, 6:3 есебімен басым түсті. Осылайша Рыбакина Минненді үшінші рет жеңіп отыр. Екеуі бұған дейін 2020 жылы Аустралия ашық чемпионаты мен Страсбургтегі турнирде кездесіп, екеуінде де Рыбакина басым түскен еді. Рыбакина келесі кезеңде нидерландық Аранча Руспен кездеседі.
Айта кетейік, Елена Рыбакина өткен жылы Ролан Гаррос турнирінің үшінші айналымына дейін жетіп, содан кейін денсаулығына байланысты жарыстан шығып қалған еді.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен