“Анам – әкемнің музасы еді. Ол кісінің де сазгерлік қабілеті бар. Халыққа кең тараған “Анашым” әнінің кейбір сөздерін анам жазған. Бірақ автор ретінде көрсетілген жоқ. Мен 3-сынып оқып жүргенде әкем мен анам екі жаққа кетті. Ол кезде әкемнің атағы жер жарып тұрған еді. Елге танылып, айлап “Тамашамен” гастрольге кететін. Анам 3 бала және енесімен үй шаруасында болатын. Оның үстіне әжемнің мінезі қатты болды. Ене деген қатал болып, келінді бос жібермеуі керек деп отыратын. Сол тілегі қабыл болып, ата-анамды ажырастырды. Мамамның да мінезі бар. Екеуінің болмыстары негізі ұқсайды. Араларында үнемі ұрыс-керіс, өкпе-реніш қана жүретін. Әкем ондай жанжал кезінде құлағын басып, далаға қашты. Соңында анасының сөзін тыңдап, шығармашылығына арқау болған музасынан ажырасты. Бала болсам да, маған қатты ауыр тиді. Ол кезде ес біліп қалған кезім еді”, – деп жан сырын ақтарды әнші.

Сонымен қатар әнші артынан ерген бауырлары туралы да айтып берді. Өнер иесінің айтуынша, інісі екеуі ғана өнерге жақын көрінеді.

“Әкемнің бірінші некесінен 3 баламыз. Мен үйдің үлкенімін. Інім мен сіңлім бар. Сіңлім өнерге қызықпайды. Ғылымды игеру, тіл үйрену деген салаға қызығады. Ініме әкемнің сазгерлігі, музыка жазуы дарыған. Бірақ қазір бизнес саласында жүр. Бала күнінде киноға түскені бар. Одан кейін футболдан тренер. Әкемнің жолын қуған мен ғана. Әкемнің екінші некесінен қыз бар. Ол сіңліммен де араласамын. Есімі – Зульфия. Оның анасымен үш жыл ғана тұрды. Қазіргі жұбайымен Америкада тұрып жатыр. Ол некеден де бір қыз бар. Америкадағы ең мықты музыка академиясына түскесін, әкем мен анасы сол жаққа қоныс аударды. Ол бауырымның да жетістіктерімен мақтанамын”, – деп айтты өнер иесі.

Еске салайық, Илья Ильин әнші Зарина Омаровамен махаббат хикаясының болғанын растаған еді.

Талқылау