Джо Байден алғаш рет Орталық Азиядағы бес елдің президенттерімен кездесу өткізеді
АҚШ президенті Джо Байден келесі апта алғаш рет Орталық Азиядағы бес елдің басшыларымен кездесу өткізеді. Оның ішінде Қазақстан президенті Қасым-Жомарт Тоқаевпен де кездесу болмақ. Бұл туралы Stan.kz ақпарат агенттігі хабарлайды.
Бұл ақпаратты Джо Байденнің ұлттық қауіпсіздік жөніндегі кеңесшісі Джейк Салливан мәлімдеді.
Кездесу Нью-Йоркте өтпек. Онда Байден БҰҰ Бас Ассамблеясының жыл сайынғы отырысының "жоғары деңгейдегі аптасына" қатысу үшін барады.
"Президент Орталық Азияның бес мемлекетінің – Қазақстан, Қырғыз Республикасы, Тәжікстан, Түркіменстан және Өзбекстанның президенттерімен кездеседі. Бұл С5+1 форматындағы тұңғыш президенттік саммит болмақ", - деді Салливан брифингте.
Ол Украина президенті Владимир Зеленскиймен, Израиль премьер-министрі Биньямин Нетаньяхумен, Бразилия президенті Лула да Силвамен және БҰҰ Бас хатшысы Антониу Гутерришпен кездесуге ниетті.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"