Джек Ма Қазақстанға гуманитарлық көмектің екінші партиясын жіберді
Алматыға Джек Ма және Alibaba Group қорларының гуманитарлық көмегінің екінші партиясы жеткізілді. Көмек ретінде 50 016 дана тест-жүйе және 30 дана өкпені жасанды желдету аппараттары бар, деп хабарлайды Stan.kz ақпарат агенттігі.
Гуманитарлық жүкті бірыңғай дистрибьютор – "СК-Фармация" ЖШС одан әрі медициналық мекемелер арасында бөлу үшін қабылдап алды.
Өз кезегінде елдің сыртқы істер министрлігі Қазақстан үкіметінің атынан Джек Ма мен "Alibaba Group" қорларына COVID-19-мен күресте елеулі көмек көрсеткені үшін алғыс білдірді.
Еске сала кетейік, 2020 жылдың 10 сәуірінде қытайлық кәсіпкер біздің елімізге 4,5 тоннадан астам медициналық қорғау құралдарын (медициналық маскалар, қорғаныс костюмдері, медициналық қолғаптар, байланыссыз термометрлер) жіберген.
Кейін Қазақстан президенті Қасым-Жомарт Тоқаев бизнесмен Джек Маға алғысын білдірді.
Мақсатым — Олимпиада. Жаңа бапкерлік штаб 1,5 жылда нәтиже береді — Ғұсман Қырғызбаев
Ғұсман Қырғызбаев: Біздің қырғыздарға ешқандай қатысымыз жоқ
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі