Диетологтар ұйықтар алдында жеуге болмайтын тағамдарды атады

Ұйқыңыздың қанық болуы тек сергек жүруге ғана емес, сонымен қатар иммунитетке, жүрек жұмысына тікелей әсер етеді. Ал оның бұзылуына себеп болатын негізгі фактор жатар алдында тамақтану. Диетолог Джемре Яманер нені жеуге болады, ал қандай тағамнан бас тарту керек екендігін атап айтты. 

Маман сонымен қатар сергек ұйқы үшін әрқашан дене салмағымызға мән беріп, күнделікті қандай тағамдарды тұтынып жүргенімізге назар аударуымыз қажет дейді. Ұйқының ұзақтығы мен жайлылығы жатар алдында жеген тамаққа тікелей байланысты. Егер сіздің ұйқыңыздың қануы қиын болса, сол күнгі тұтынған тағамдарыңызға мән берген жөн.

“Әр адамның өмір сүру құндылықтары әртүрлі. Ұйқы алдында жүрек жалғау салмақ қосқысы келетіндер мен диабет ауруымен ауыратындарға организмге қажетті ақуыздарды толықтыруға көмектеседі. Ең соңғы тамақ қабылдау ұйқтар алдынан үш-төрт сағат бұрын болуға тиіс. Егер каллориясыз жеміс-жидек болса бір-екі сағат бұрын жеп үлгерген дұрыс”, – дейді диетолог.

Мәселен, ащы тағамдарды қабылдау асқазан қышқылының шамадан тыс бөлінуі мен миға кофейн бөлу әсерін тудырады. Нәтижесінде, аштық сезімі одан сайын күшейеді.

Алькогольді сусындар тез ұйқы шақырады деген қате пікір. Спиртті өнім тұтынғанның салдарынан алғашында терең ұйқы фазалары төмендейді, кейін түн ішінде ояну мен мазасыздық орын алады. Майлы тағамдар мен тәттілердің қорытылуы ұзақ уақытты талап ететіндіктен, ұйықтар алдында мүлде тұтынбағаныңыз жөн.