Дэвис кубогында Қазақстан Чилиге есе жіберді

Ла-Серена қаласында Дэвис кубогінің іріктеу матчында Қазақстан Чили құрамасынан жеңіліп қалды деп хабарлайды Stan.kz ақпарат агенттігі. 

Қазақстандықтар жұптық сында жеңіліп қалғаннан кейін Александр Бублик Кристиан Гаринге қарсы ойнады. Қазақстан құрамасы осы ойында ұтса ғана жолдама үшін таласты жалғастыратын еді.

Бірінші партияда К.Гарин 4:1 есебімен алға шықты. А.Бублик есепті қысқартқанымен, одан әріге шамасы жетпеді – 4:6.

Екінші сетте есеп 3:2 болған мезетте қазақстандық теннисші брейк жасады. Сосын мүмкіндігін жіберген жоқ – 6:3.

Үшінші, шешуші сетте чилилік спортшы брейкпен алға шығып, 3:1 есебімен жеңді. Ақыры ол бәсекені жеңіспен түйіндеді – 6:3.

Осылайша Қазақстан құрамасы Чилиге 1:3 есебімен жол беріп, Дэвис кубогінің финалдық кезеңіне шыға алмай қалды.