Бұрынғы әділет министрі Марат Бекетаевтың ұсталғаны расталды
Сыбайлас жемқорлыққа қарсы қызмет экс-министр Марат Бекетаевтың ұсталғанын растады. Бұл туралы Stan.kz ақпарат агенттігі хабарлайды.
Бұрынғы әділет министрі Марат Бекетаев лауазымдық өкілеттіктерін асыра пайдаланды деген күдік бойынша ұсталды. Антикоррупциялық қызмет мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде заңсыздықтарды анықтаған.
Қазіргі уақытта күдікті соттың санкциясымен қамауға алынды.
Еске салайық, бұған дейін Сыбайлас жемқорлыққа қарсы қызмет бұрынғы әділет министрі ұсталғанын мәлімдеген еді. Дегенмен күдіктінің аты-жөнін атамаған.
"Ол талап етілмейтін қызметтерді көрсетуге жыл сайынғы келісімшарттар жасау арқылы үлестес компанияның мүдделерін қолдады. Бұл әрекет мемлекетке үлкен зиян келтірді”, – деп хабарлады агенттіктің ресми өкілі Арман Тлеукенов.
Тергеу мүддесі үшін басқа ақпарат жария етілмеді.