Британдық журналист Рыбакинаның "Уимблдон" жүлдесінен Ресейде салық төлейтініне наразы болды
Британдық журналист Сэм Стрит қазақстандық Елена Рыбакинаның “Уимблдон 2022” турниріндегі жүлдесінен Ресейде табыс салығын төлеуге мәжбүр болатынына ашуланды, деп хабарлайды Stan.kz ақпарат агенттігі.
Мәскеу тумасы Рыбакина жекелей сында финалға шықты, онда ол Онс Жабермен ойнап, оны жеңіп шықты.
"Елена Рыбакина Уимблдонның әйелдер арасындағы жекелей сында финалға шыққаны үшін кем дегенде 1 миллион фунт алады.
Ол Ресейде табыс салығын төлейтіндіктен, оның бір бөлігі тікелей Владимир Путинге түседі. Финалға шығуына тыйым салынған Виктория Азаренка Ресей мен Беларуське бір пенни де жібермейтін еді", – деп жазды Стрит өзінің Twitter-дегі парақшасында.
Айта кетейік, қазақстандық теннисші Елена Рыбакинаның “Уимблдон” финалында жеңіске жеткені үшін екі миллион фунт стерлинг (бір миллиард теңгеден астам) алатыны белгілі болған еді.
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"
"Туған күнімді үкімет жасап береді": Наурызды ерекше атап өтетін қазақстандықтар қызық оқиғаларын бөлісті
Наурыз: “Есімім Наурыз, 22 наурыз туған күнім”