Бауыржан Момышұлының келіні мен немересіне президент атынан Алтын жұлдыз бен "Отан" ордені табысталды
Президент атынан "Халық қаһарманы" атағына ие болған Бауыржан Момышұлының туыстарына Алтын жұлдыз бен "Отан" ордені табысталды. Бұл туралы Stan.kz ақпарат агенттігі хабарлайды.
2025 жылдың соңында Тоқаев Жамбыл облысына жасаған жұмыс сапары барысында аты аңызға айналған қолбасшы Бауыржан Момышұлына "Халық қаһарманы" атағын беру туралы шешім қабылдап, тиісті жарлыққа қол қойған еді.
Осыған орай мемлекеттік кеңесші Ерлан Қарин Алматы қаласында Ұлы Отан соғысында ерлік көрсеткен батырдың келіні Зейнеп Ахметова мен немересі Ержан Момышұлына президент атынан айрықша мемлекеттік марапаттар – Алтын жұлдыз бен "Отан" орденін табыстады.
Салтанатты рәсім барысында Ерлан Қарин Бауыржан Момышұлының қазақ халқы үшін батырлықтың, қайсар рух пен отансүйгіштіктің символына айналғанын атап өтті.
“Халқымыз Бауыржан Момышұлын әрдайым батыр деп біледі, қаһарман деп қастерлейді. Мемлекет басшысы Қасым-Жомарт Тоқаевтың бұл жолғы шешімі халықтың оған деген ыстық ықыласын одан әрі арттыра түсті. Ең бастысы, көптен күткен тарихи әділдік қалпына келтірілді”, – деді мемлекеттік кеңесші.
Еске салсақ, бұған дейін Бауыржан Момышұлына "Халық қаһарманы" атағы берілгені туралы жазған едік.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді