"Басшылық жалақыны көтергісі келмейді": Қарағанды облысында шахтерлер ереуілге шықты
Қарағанды облысының Шет ауданындағы "Нова цинк" ЖШС "Ақжал" кенішінің кеншілері жалақыны көтеруді және еңбек жағдайын жақсартуды талап етті, деп хабарлайды Stan.kz ақпарат агенттігі "Патриот" телеграм-арнасына сілтеме жасап.
"Жалақы көп жылдар бойы бұрынғы деңгейде қалып отыр. ЖШС басшылығы еңбекақыны көтергісі келмейді. Жұмысшылардың бәрінде отбасы, балалар, несиесі бар, қша жетпейді", – дейді жұмысшылар.
Жұмысшылар бұдан бөлек тозған жабдықтарға, жеке қорғаныс құралдарының жетіспеуіне де шағымданды.
Шет ауданы әкімінің міндетін атқарушы Дәурен Қарсембаев кеншілермен әңгімелескен. Олардан жұмыс орнына баруды сұрап, кәсіпорын басшылығымен келіссөз жүргізуге уәде берді. Сондай-ақ келіссөздерге аудан прокуроры Елдос Жаппар қатысып отыр.
Әкімдік 20 шілде күні кешке ереуіл аяқталғанын хабарлады.
"Келіссөз жүргізілді, ұйымдастыру мәселелері бойынша келісімдер бар. Қалған мәселелер 3 тамызға дейін шешіледі", – деп хабарлады әкімдік.
Қазақстанда күз келсе де күн неге жаздағыдай жылы: Cиноптиктер себебін айтты
Әлемдік климат тұрғысынан 2026 жылдың соңы мен 2027 жылдың алғашқы айлары маңызды кезең болмақ
Алматыдағы "Достық Плаза" маңынан түлкі байқалды: Зоолог мұның қалыпты жағдай екенін айтты
Зоолог Алексей Грачев түлкілер түрлі аурулардың, соның ішінде құтырудың тасымалдаушысы болуы мүмкін екенін де ескертеді