FlyArystan әуекомпаниясын Air Astana құрылымынан бөлу ұсынылды

Қазақстанның бәсекелестікті қорғау және дамыту агенттігі FlyArystan әуе компаниясын Air Astana құрылымынан бөліп, Qazaq Air акцияларын сатуды ұсынады, деп хабарлайды Stan.kz ақпарат агенттігі.

Бәсекелестікті қорғау және дамыту агенттігі FlyArystan-ды Air Astana тобынан бөлек компания ретінде бөлу және Qazaq Air АҚ акцияларын сату туралы ұсынысты "Жекелеген тауар нарықтарындағы бәсекелестіктің жай-күйі және 2021 жылға арналған монополистік қызметті шектеу бойынша қабылданған шаралар туралы" баяндамасында айтқан. 

• "Әркім өз ақшасын қалай басқарса да өзі біледі": Air Astana басшысының әйелі  235 миллион тұратын әшекей бұйымдарды қайдан алғанын түсіндірді

• Air Astana ұшағының биікке көтерілу кезінде сол жақ қозғалтқышы істен шықты

Баяндамада әуежайларда жерүсті қызмет көрсетудің балама провайдерлеріне, соның ішінде әуежайлар аумағында авиакеросин сатуға қол жеткізуді қамтамасыз ету қажет екені айтылған.

Сонымен қатар бәсекелестікті қорғау және дамыту агенттігі  әуекомпания тәжірибесіне және субсидияланатын бағыттардағы әуе кемелеріндегі орындардың ең аз санына қойылатын талаптарды алып тастауды ұсынады.