Балқашта демалыс аймағында жоғалып кеткен төрт жасар бала адасып 6 шақырым жол жүрген
Балқаштағы демалыс аймағында ересектердің қарауынсыз қалған төрт жасар бала жоғалып кетті. Ол 6 шақырым жолды жалғыз жүріп өткен. Бұл туралы Stan.kz ақпарат агенттігі хабарлайды.
Оқиға туралы Төтенше жағдайлар министрлігінің (ТЖМ) баспасөз қызметі хабарлады.
"Сарқан ауданында Балқаш көлінде 2020 жылы туған бала демалыс аймағын өз бетінше тастап, адасып кетті. Бала демалыс аймағынан 6 шақырым қашықтықта көл жағасынан табылды. Құтқарушылар баланы анасына тапсырды. Оған медициналық көмек қажет болмады", – деді ҚР ТЖМ баспасөз қызметі.
Ведомство мамандары тағы да судағы қауіпсіздік ережелерін сақтауды сұрайды.
