Балалар омбудсмені Екібастұздағы 7 жасар қыздың өлімінен кейін мәлімдеме жасады
Бала құқықтары жөніндегі уәкіл Динара Закиева Екібастұздағы анасының қолынан өлген жеті жасар қыздың жағдайынан кейін мәлімдеме жасады. Бұл туралы Stan.kz ақпарат агенттігі хабарлайды.
Закиеваның айтуынша, биыл елімізде 25 бала көз жұмды, оның алтауы жақын адамдарының қолынан қаза тапқан.
"Бүгін жеті жасар қыздың денесі табылды. Күдікті, яғни баланың анасы кінәсін мойындады. Бұл отбасының басқа балалары балаларды қолдау орталығына орналастырылады", – деді уәкіл.
Оның айтуынша, мұндай қорқынышты оқиғалар көбінесе қиындықтар, алкоголь және ұрып-соғудан басталады.
"Жедел-іздестіру іс-шаралары кезінде 70 пайыз жағдайда осы жағдайды көріп, білсе де, үндемей қалады.
Балалардың қауіпсіздігіне қауіп төндіретін фактілерді көрсеңіз, естісеңіз, білсеңіз, 111 немесе 102 нөміріне хабарласыңыз. Әрине, ақпарат тексеріледі, бірақ ол расталса, біреудің өмірін сақтап қалуға болады", – деді Закиева.
Сонымен қатар балалар омбудсмені кадр тапшылығы туралы хабарлады.
"Заңдарды қабылдаған кезде біз олардың орындалуын қамтамасыз етуіміз керек. Қазіргі уақытта 6,8 миллион балаға 303 қамқоршылық қызметкер, яғни бір қызметкерге 22 мың баладан келеді. 5 мың балаға 1 қызметкерден келеді", – деді ол.
Айта кетейік, 17 қараша күні сағат 16.00 шамасында Қоянды ауылдық округіне қарасты Бесқауға ауылындағы мектептің 3-сынып оқушысы, 2015 жылы туған Милана Давыдова жоғалып кеткен. Ауыл тұрғындары оны соңғы рет ауылдан бір жарым шақырым жерде көрген. Бір тәуліктен қыздың мәйіті табылған еді.
Кейін қызды мамасы танысымен бірге өлтірді деген күдікке ілінді.