Соңғы жаңалықтар
Соңғы жаңалықтар

"Балағат сөз айтып, бір-бірінің сөзін көтере алмаған": Ақтөбе облысындағы оқушылар төбелесінің себебі белгілі болды

Полиция Ақтөбе облысының ауылдарының бірінде мектеп оқушыларының төбелесу фактісі бойынша сотқа дейінгі тергеуді бастады, деп хабарлайды Stan.kz ақпарат агенттігі.

Осы жылдың 20 қыркүйегінде Темір ауданының 8-9 сынып оқушылары арасында жанжал болып, нәтижесінде мектеп оқушыларының бірі 8-сынып оқушысын ұрып-соққан, қалған куәгерлер болып жатқан оқиғаны ұялы телефон камерасына түсіріп алған.

Аталған фактімен "Бұзақылық" бабы бойынша қылмыстық іс тіркеліп, сотқа дейінгі тергеу жүргізілуде.

Бұл фактіні Темір аудандық полиция бөлімінің кәмелетке толмағандар ісі жөніндегі инспекторлары анықтады, - делінген Ақтөбе облысының полиция хабарламасында.


Келіні енесін ұрып жыққан: Желіде Түркістан облысындағы әйелдердің төбелесі түсірілген видео таралды 


Аталып өткендей, қазір қыздардың ата-аналарын балаларды дұрыс тәрбиелемегені үшін жауапкершілікке тарту мәселесі шешілуде.

"Ата-аналарды балаларын, әсіресе жасөспірімдерді тәрбиелеу мәселесіне жауапкершілікпен қарауға және олардың жасаған құқық бұзушылықтары үшін жауапкершілігі туралы түсіндірме жұмыстарын жүргізуге шақырамыз. Сонымен қатар, кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізді, - деп түсіндірді Ақтөбе облысының полиция бастығы Атығай Арыстанов.

"Кеңқияқ, Шұбарши, Саркөл ауылындағы 10 қыз бір-бірінің сөзін көтере алмаған. Олар алдымен әлеуметтік желідегі ортақ чат арқылы ұрысқан. Балағат сөз айтқан. Негізгі себебі - осы. Кейін кездесіп, төбелескен. Төбелесті арнайы видеоға түсіріп, өздері әлеуметтік желідегі парақшаға жүктеді. Жәбірленуші қыз дене жарақатын алмаған. Оқиғадан соң лезде Темір аудандық білім бөлімі, полиция бөлімінен арнайы мониторинг тобы құрылып, зерделеу жұмысы жүргізілді", - дейді облыстық білім басқармасы басшысының орынбасары Нұргүл Бертілеуова.

Айта кетейік, қазіргі кезде төбелескен қыздардың ата-анасы ортақ мәмілеге келді. Олардың бәрі - 8, 9, 10 сынып оқушылары. Арасында бір отбасының екі қызы да бар. Осы оқиғадан соң үш мектеп директоры, тәрбие ісі жөніндегі орынбасарлар мен сынып жетекшілеріне тәртіптік жаза қолданылды.

Полиция бұл факті бойынша тексеру басталғанын хабарлады.

Еске салсақ, әлеуметтік желілерде мектеп оқушылары арасындағы төбелес видеосы желіде таралған.

 

Талқылау
Пікір
Қазір оқып жатыр
Çàãðóçêà...
Қазір оқып жатыр