"Ажырасу көбейеді": Дина Төлепберген несиеге қатысты заңға пікір білдірді

Танымал журналист Дина Төлепберген несиеге қатысты заң жобасына өз ойын айтты. Бұл туралы Stan.kz ақпарат агенттігі хабарлайды.  

Фото: https://www.instagram.com/dina_tolepbergen/

Айта кетейік, 1 қыркүйектен бастап жеке тұлғаларға жұбайының келісімінсіз несие беруге тыйым салу туралы шешім күшіне енеді.

“19 триллион қарыз. Қазақстандықтардың банкке берешегі бұл. Сенесіз бе, бұл сомаға 3 миллион-дай кобальт алуға болар еді. Утильсборсыз 4 миллион көлік.
Масқара… Қайтсек те, әйелі ерінің, ері әйелінің рұқсатынсыз қарыз ала алмайды енді. Заң 1 қыркүйектен бастап күшіне енеді. Жұбайының рұқсатынсыз ерлі-зайыптылар несие ала алмайды. Талай әйел күйеуінің құмар ойынға алған қарызын жабу үшін несие алдық деп алдыма жылап келіп еді. Одан кейін жаңа заң шыққаннан кейін, ажырасу көбеюі мүмкін. Қалай болғанда да төрт сағаттық тойға төрт жыл төлейтін несие алмайық!”, – деді журналист. 

• "Несиелер кешірілді": Абай облысының әкімі қаза болғандардың отбасына берілетін жәрдемақының заңсыз екенін айтты

• "Пәтерімізді сатып, несие алдық": Алматы облысында тұрғындардың сатып алып, үш жыл тұрған жерлері заңсыз болып шықты

Сонымен қатар медиа өкілі заңды некеге тіркелгендеріне көз жеткізу үшін электрон құжатқа мұқият болуға үндеді. 

“Оған дейін АХАЖ бөліміне барып, неке жөніндегі ақпаратыңызды тексеруге кеңес беремін. Себебі 2008 жылға дейінгі некелер базада толық цифрланбаған деседі. Ал сіздер, несие отбасылық ақылдасусыз аласыздар ма?”, – деп ойландырып қойды журналист. 

Еске салсақ, бұған дейін Қазақстанда көпбалалы отбасыларға жеңілдетілген автокөлік несиесі берілетіні туралы жазған едік.