Айған Жолдасова: Өз мамандығымды шегеріп қойып, Ұлықпанның жұмыстарымен жүрдім

Ұлықпан Жолдасовтың жары Айған Жолдасова өнер өкілдерінің ортасында жиі бой көрсетеді. Өзі жұбайы мен қызының арт-директоры қызметін де атқарады. Алайда Айған ханымның о баста таңдаған мамандығы дәрігер болып шықты. Ол ғұмыр бойы жолдасына қолдау көрсетемін деп өз саласын ұмыт қалдырған. Бұл туралы Stan.kz ақпарат агенттігі "Қазақстан" Ұлттық арнасының "1001" түн бағдарламасына сілтеме жасап хабарлайды. 

"Бала кезімізден бірге жүріп, өнерде бірге болдық. Бірақ о баста мен дәрігерлік мамандықты таңдағанмын. Осылардың шаруасымен жүрген маған ыңғайлы болды. 

Ақтауда дәрігер болып 3-4 жыл жұмыс істедім. Одан кейін Алматыға көшкен 90-жылдары қиын заман болды. Сол кездерде өнер саласы табысты болды. Өзімнің саламды кейінге шегеріп қойдым да, Ұлықпанның шаруасымен айналысып кеттім. Бірақ ол осы уақытқа дейін ұзаққа созылып кеткен сияқты", – деп күлді Айған Жолдасова.

• Тележүргізуші Әйгерім Есенәлі журналист күйеуімен ажырасып кетті

• Нұртас Айдарбеков: Кейде Гүлзираға "Қайрат – сенің балаң, қалған екеуі еріп келген шығар" деп күлемін

Айта кетейік, Ұлықпан және Айған Жолдасовтар әнші Димаш Құдайбергеннің өкіл ата-анасы.