Атырау облысында салынып жатқан газ өңдеу зауытының 75%-ы Катарға берілді
Атырау облысында салынып жатқан қуаты 1 млрд текше метр газ өңдеу зауытының 75%-ы Катарға берілді. Акцияның құны 71,1 млрд теңгеге тең. Бұл туралы Stan.kz ақпарат агенттігі хабарлайды.
Фото: Мой город
Газ өңдеу зауытының құрылыс операторы – "GPC Investment" ЖШС.
Бұған дейін Дохада QazaqGaz өкілдері мен Атырау облысындағы газ өңдеу зауыты жобасына қатысушылар, соның ішінде Power International Holding, Kazakh Construction Group және қытайлық HBP компаниясының өкілдері арасында кездесу өтті.
Кездесуде Қашаған кен орнындағы газ өңдеу зауытының құрылысын жеделдету мәселелері талқыланды. Қазір операциялық бақылау Катар UCC Holding басшылығына беріліп, транзакция процесі жалғасып жатыр.
Сонымен қатар тараптар қуаты жылына 2,5 млрд текше метр болатын Қашағандағы газды өңдеуге, Бейнеу-Бозой-Шымкент газ құбырының екінші желісін салуға және КС-14-Ақтөбе құрылысына қатысты перспективалы жобаларды талқылады.
GPC Investment 2019 жылдың ақпанында құрылған. Ол бес адамға дейін жұмыс істейтін шағын кәсіпорын ретінде тіркелген.
2024 жылдың қаңтарында компания "Самұрық-Қазына" қорына берілді, ал бір ай өтпей-ақ қор өз үлесін қор акцияларына айырбастап, одан кейін акцияларды төлеу үшін "QazaqGaz" ҰК АҚ-на толығымен берді.