Астаналық әйел көшеде қызын аямай ұрған: Оған 45 мың теңге айыппұл салынды
Астанада анасының өз қызын жұлқылап, басын көлікке ұрғаны түскен видео желіде таралды. Оқиға бойынша ішкі істер министрлігі пікір білдірді, деп хабарлайды Stan.kz ақпарат агенттігі.
Желіде таралған видеода әйелдің жеткіншек қызды жұлқылап сүйреп, көлікке басын ұрып жатқаны байқалады.
Оқиға Астана қаласындағы Алматы ауданында орын алған.
"Әлеуметтік желілерде жүргізілген мониторинг кезінде белгісіз әйелдің кәмелетке толмаған қыздың денесіне зақым келтіргені түсірілген видеосы анықталды. Тексеру барысында 52 жастағы әйел мен оның 10 жасар баласы анықталды. Оқиғаға баланың жаттығу залынан кетпей қоюы себеп болған", – делінген ІІМ хабарламасында.
Қазіргі таңда әйелдің үстінен Әкiмшiлiк құқық бұзушылық кодексінің 127-бабы (Кәмелетке толмаған адамды тәрбиелеу немесе оған білім беру, оның құқықтары мен мүдделерін қорғау жөніндегі міндеттерді орындамау) бойынша іс қозғалып, оған 45 мың теңге айыппұл салынған.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек