Астана әуежайында рейстер кейінге шегерілді
Астана әуежайында алты рейс кейінге шегерілді. Бұл туралы Stan.kz ақпарат агенттігі хабарлайды.
Фото: Астана әуежайы
Астана халықаралық әуежайының баспасөз қызметі жоспарланған 75 рейстің алтауы кейінге қалдырылғанын хабарлады. Олар 10:10-да ұшып шығуы керек еді. Кейінге қалған рейстер:
- SU1957 Астана – Мәскеу;
- KS7208 Астана – Атырау;
- KS7315 Астана – Қызылорда;
- KS921 Астана – Франкфурт;
- DV716 Астана – Шымкент;
- KS642 Астана – Алматы.
Кешіктірілген рейстердің көбі 14:00-ден 16:00-ге дейін кейінге қалдырылды.
Баспасөз қызметі бұл ауа райының қолайсыздығына байланысты емес дейді.
Жолаушылар рейстердің жай-күйі және кестедегі өзгерістер туралы ақпаратты әуекомпаниядан, сондай-ақ Астана халықаралық әуежайының ресми сайтынан немесе тәулік бойы жұмыс істейтін байланыс орталығының 8 (7172) 702-999 телефоны арқылы ала алады.
Талқылау