«Бір кездері әкемді тапқым келген. Бірақ анам оны іздеудің қажеті жоқ екенін айтты. Себебі әкем қиындау адам болды. Ол кезде біз Қарағанды облысының Майқұдық деген жерінде тұратынбыз. Қарағандыны білетін адамдар Майқұдықтың да қандай екенін түсінеді. Мен 1989 жылы дүниеге келдім. Бұл 90-жылдардың кезі болатын. Ал әкем бір банданың құрамында болған. Сол себепті екеуі ажырасқан. Бірақ анам әкемді қатты сүйді. Тек ол кісі қаласа 1 жылға, қаласа 3 жылға жоқ болып кететін еді. Ол уақытта телефон да болған жоқ. Анамның уақыты күтумен өтетін», – дейді Айша.

Десе де, күндердің күнінде әкесімен жүздесетініне сенген. Алайда әншінің бұл арманы көкке ұшты. Себебі әкесі 2006 жылы бақилыққа аттанған.

«Бірақ мен оның қайтыс болғанын былтыр ғана білдім. Мені әкемнің Германияда тұратын бауыры тауып алды. Қатты қайғырдым. Әрине әкемнің болғанын қаладым. Әр адам қалайды деп ойлаймын», – дейді Айша.

Әнші Айша күндердің күнінде әкесі қызын көргенде оны мақтан тұтады деп үміттенген.

“Мені бір жетістікке жетті деп мақтанғанын емес, жалпы жақсы адам болғаным үшін мақтан тұтатын шығар деп ойладым. Өйткені мен өзімді жақсы адам санаймын. Негізі мен айтарлықтай жетістікке жеттім дей алмаймын. Жетістікке жеткен – күйеуім, мен бар болғаны оның жанындамын, біз біргеміз”, – деп түйіндеді Айша.

Жіберіп алмаңыз:

Бүркіт пен Айшаға өздерінің есімі жазылған ұшақ тарту етілді (фото)

Бүркіт елбасы таққан сағатқа қол жеткізгенін айтып мақтанды

Желі оқырмандары Тәуекел Мүслімге Кәмшат Жолдыбаеваға үйленуге кеңес берді

Батырхан Шүкеновтің анасы: Ұлым адам қолынан қаза тапты деп ойлаймын

Талқылау