"Анасының да кінәсі бар": Ішкі істер министрі Түркістанда балаларын соққыға жыққан ер адамға қатысты пікір білдірді
Ішкі істер министрі Ерлан Тұрғымбаев Түркістан облысы Қазығұрт ауданындағы балаларын ұрған ер адамға қатысты пікір білдірді, деп хабарлайды Stan.kz ақпарат агенттігі.
"Бір нәрсеге мән берген жөн. Отбасындағы құқық бұзушылық мәселесі тек қана бір тараптың кінәсінен болмайды. Бұл жағдайда күйеуі ғана қатігез емес, балалардың анасының да кінәсі бар. Ол бірнеше рет шағым түсірген, алайда ресми түрде арыз жазбаған. Заң жүзінде олар ерлі-зайыпты, бірақ қорлық көрсе де, әйел адам ажыраспаған. Заң тұрғысынан бірнеше кемшілік байқалады. Ондай кезде полиция қызметкерлері шарасыз болып қалады. Өйткені, күйеуін әйелдің арызы болмаса, үш сағаттан артық қамауда ұстай алмаймыз", - дейді Тұрғымбаев.
Еске салсақ, Түркістан облысында балаларын аяусыз ұрып соғып жатқан ер азаматтың әрекетті жұртты шошытты. Балалардың анасы шағым түсіріп, ер адамның қамауға алынғаны белгілі болған.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”