"Алтын алу үшін келдім": Бибосынов Әлем чемпионатындағы жеңісінен кейін мәлімдеме жасады
2020 жылы өткен жазғы Олимпиада ойындарының қола жүлдегері Сәкен Бибосынов Әлем чемпионатындағы жеңісінен кейін мәлімдеме жасады. Ол алғашқы кездесуінде өзбекстандық Олимпиада чемпионы Хасанбой Дусматовты жеңген болатын, деп хабарлайды Stan.kz ақпарат агенттігі Қазақстан бокс федерациясының баспасөз қызметіне сілтеме жасап.
51 келіге дейінгі салмақ дәрежесінде жұдырықтасқан Бибосынов өзбекстандық боксшыны жеңіп, көпті таңғалдырған болатын.
"Мен бұл чемпионатқа тыңғылықты дайындалдым. Бәріңіз білесіздер, мен Олимпиададағы қола медаль үшін "есеп айырысқым келеді". Мұнда алтын алу үшін келдім. Жаттықтырушыларға алғысым шексіз. Олардың берген нұсқаулары жеңіске жетуге көмегін тигізді", - деді Бибосынов жекпе-жектен кейін.
Әлем чемпионатының ¼ финалына жолдама алу үшін спортшы үндістандық боксшысы Дипакпен кездесу өткізеді. Жекпе-жек 1 қарашада болады.
Айта кетейік, жарыстың екі күнінде өнер көрсеткен 4 отандасымыз да келесі айналымға өткен болатын.
Қазақстандық ер адам Көк төбедегі қымбатшылыққа шағымданды: Саябақтың иесі кім және неліктен бағалар жоғары?
Парктің әкімшілік басшысы Фархат Уәлиев парк жұмысына қатысты сын негізсіз екенін айтады
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"