Алматыда білім басқармасын тонап, балалардың жеке мәліметтері жоғалып кетті
Алматы қаласы, Медеу аудандық білім басқармасына ұрылар түсіп, төрт процессор, екі монитор және ноутбукты ұрлап кеткен. Аталған деректі қалалық ІІД баспасөз қызметі растады.
Оқиға 2017 жылдың 10 қазанында Қалдаяқов пен Төле би көшелерінің қиылысында болған. Белгісіз біреулер кабинетке терезе арқылы кіріп, төрт процессор, екі монитор және ноутбукты ұрлап кеткен. Қазір аталған факті бойынша ҚР Қылмыстық кодексі 188 “Ұрлық” бабы бойынша қылмыстық іс қозғалды.
Компьютерлерде мектепке дейінгі мекеме, қамқоршылар мен патронаттар туралы ақпараттар болған. Оларды қалпына келтіру үшін ұзақ уақыт керек. Одан да ұрыларды қолға түсіру әлдеқайда жеңіл болмақ.
Тағы да оқыңыз:
Жаңа латын әліпбиін құрастыру үшін қанша қаражат жұмсалды
Жамбыл облысында 21 жастағы жас ана үшемді өмірге әкелді
ОҚО-да мақта теруге барған жасөспірім мақта ішінде тұншығып өлді
Талқылау