Алматылық дәрігерлер 4-қабаттан құлап, ауыр жағдайға түскен науқасты аман алып қалды

Фото: Денсаулық сақтау министрлігі

Алматыда Орталық қалалық клиникалық аурухана дәрігерлері 4-қабаттан құлап, жарақат алған 33 жастағы науқасты аман алып қалды. Бұл туралы Stan.kz ақпарат агенттігі хабарлайды. 

Денсаулық сақтау министрлігінің мәліметінше, әйелге бірнеше дене жарақаты бойынша диагноз қойылды. 

"Әйел ауруханаға өте ауыр жағдайда түсті. Оған ауыр бас миының жарақаты, ми жарақаты, субарахноидты қан кету, жабық қанат пен мықын денесінің сынуы, оң жақта ацетабулумға ауысу, ығысқан сүйек сынықтары, оң жақта маңдай сүйегінің екі тармағының сынуы, дистальды оң жақ жамбас сүйегінің фрагментті сынуы диагнозы қойылды. Мидың қатты көгеруі мен қан кетуіне байланысты травматологтар отаны бірден жасай алмады. Тек жетінші күні, жағдайды тұрақтандырғаннан кейін, дәрігерлер тобы науқасты ота бөліміне ауыстырды", – делінген хабарламада.

Шымкент тұрғыны жүрегі тоқтағаннан кейін 55 минуттан соң қайта тірілді

Қостанайда жедел жәрдем дәрігерлері 24 күндік сәбиді клиникалық өлімнен аман алып қалды

Министрлік мәліметінше, травматологтар науқасқа сан сүйегі мен жамбас сүйектерінің остеосинтезін жүргізді. Ота мамандар тобының үйлесімді жұмысының арқасында сәтті өтті. Әйелге отаны дәрігер Нұржан Нұралы, ассистент Дәулет Шүкіманов және анастезиолог Жұлдыз Алпысбай жасаған. 

Отадан кейінгі күні науқатың жағдайы жақсарып, тұрып, таяқтың тірегімен жүре бастаған. Қазір науқастың жағдайы тұрақтанып, оңалту емдерін алып жатыр екен. 

"Мен өзімнің емдеуші дәрігерім Нұржан Абдакимовичке кәсіби шеберлігі мен күрделі отаны жасағаны үшін алғысымды білдіргім келеді. Анестезиологқа, мейірбикелерге, кіші мейірбикелерге және барлық дәрігерлер тобына рақмет! Мен өте ауыр және күрделі сынықтармен келдім. Ота сәтті өтті, аяғыма өте тез тұрдым. Тіпті күткен жоқпын, екі ай әлі жатамын деп ойладым. Енді оңалтуға барамын", – деді науқас.

Айта кетейік, бұған дейін Атырау облыстық денсаулық сақтау басқармасының басшысы ұшақта есінен танған жолаушыны аман алып қалғаны туралы жазған едік.