Алматыда жүргізуші 12 жастағы қызды қағып, оқиға орнынан қашып кеткен
Алматыда жүргізуші 12 жастағы қызды қағып, оқиға орнынан қашып кеткен. Бұл туралы Stan.kz ақпарат агенттігі хабарлайды.
Жол апаты сағат 16:00 шамасында Есеналиев көшесінде болған. Жолды жаяу жүргіншілер өткелі арқылы өтіп бара жатқан 12 жастағы қызды көлік қағып кеткен. Жүргізуші оқиға орнынан қашып кеткен.
Алдын ала мәлімет бойынша, көлік Hyundai Accent маркалы болған. Қазір полиция жүргізушіні іздестіріп жатыр.
“Іздеу жұмыстарына әкімшілік полиция басқармасының қызметкерлері жұмылдырылды. Ол міндетті түрде ұсталып, жауапкершілікке тартылады”, – деді полиция өкілдері.
Қыз балаға оқиға орнында медициналық көмек көрсетілді, ауруханаға жатқызудың қажеті болмаған.
Жол апатының мән-жайын Бостандық ауданының полиция қызметкерлері анықтап жатыр.
Еске салсақ, осыған дейін Алматыда автобус аялдамаға соғылып, жаяу жүргіншіні қағып кеткенін жазғанбыз.
Талқылау
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып
Желіде шетелге шыққан қазақстандықтарға сыйақы ұсынатындар көбейген: Мұның артында не тұр
Ведомоство мұндай жағдайлар жауапкершілікке әкелетінін ескертті